ابصالية واطس تقال قبل ثيؤطوكية الأربعاء

عربي

+ توكلت عليك يا إلهي: اغفر لي يا ربي يسوع: بشفاعات الإلهية: مريم الصبية الحلوة.

+ كل الأجناس التي على الأرض: يمجدون الطاهرة: لأن جميع طغمات السمائيين: ينطقون بالتطويبات.

+ لأنها هي الإلهية: وباب المساكن: والقبة المصنوعة: أم المسيح أدوناي.

+ داود أخبرنا هكذا: إنهم تكلموا بكرامات عنكِ: يا مدينة الله: التي وُلِد المسيح لنا منها.

+ من أجل مريم العذراء: أُعيدوا إلى الفردوس: آدم وحواء والأبرار: وآباؤنا الأولون.

+ سبع طغمات في السماء: يمجدون نعم أيتها الملكة: لأن الآب نظر من السماء: ووجد من يشبهه.

+ حقاً بالحقيقة أنتِ أسمى: من السمائيين والرؤساء: لأن جميع ملوك الأرض: يسيرون في نورها.

+ هذه هي الناحية المجيدة: التي رفعت ملك المجد: لأن الآب صنعها: والروح القدس جاء عليها.

+ يسوع ابن العليّ: أحب البتولية: وقوة العليّ: ستظلل عليكِ يا مريم.

+ لأنكِ أنتِ المخيفة: أرسل إليكِ من السماء: قائلاً السلام للممتلئة نعمة: أيتها الطاهرة الرب معكِ.

+ فتكلّم معها: بصوت التهليل: قائلاً ها أنتِ ستحبلين: وتلدين عمانوئيل.

+ مريم المختارة الحقيقية: مريم خلاص جنسنا: مريم الداهية الحقيقية: التي رآها يعقوب.

+ أنتِ هي الفردوس: العقلي للمسيح: وكنز الأبرار: أم الله الكلمة.

+ جماعات الأرثوذكس: يمجدون بالتسابيح: قائلين السلام لعرش المسيح: ربنا مخلص العالم.

+ ولادة بتولية: وحبل روحاني: أمر عجيب: حسب الأقوال النبوية.

+ هو الميلاد المبارك: من مريم العذراء: فتاة الحكمة المخيفة: الصبية الذهب النقي.

+ افرحي أيتها المختارة الحقيقية: أيتها المدينة الحقيقية صهيون: مريم الملكة الحقيقية: أم ملك الدهور.

+ اسمعنا في أحزاننا: وخلّصنا من شدائدنا: يا يسوع المسيح الوحيد: واحلل عنهم خطاياهم.

+ أنتِ أعلى من الشاروبيم: والقوات والكراسي: أنتِ أكرم من السارافيم: يا مريم أم المسيح.

+ حقاً حزقيال تكلم: قائلاً رأيت باباً نحو المشارق: مغلق بإحكام عجيب: أنتِ هي الباب والحجاب.

+ الله الذي يُدعى: في القدسات الخاصة به: وُلِد منكِ وولدتيه: كإله رأيناه.

+ السلام للحجاب الإلهي: أم المسيح ماسياس: غير المحوي ابن الله: الواحد من الثالوث.

+ جميع النفوس اجعلها تستريح: في الفردوس من أجل العذراء: مريم أم ملك المجد: يسوع المسيح الكلمة.

+ يا من ولدته العذراء: كإله حقيقي صالح: خلّص عبدك نيقوديموس: وبقية المسيحيين.

قبطي

+ Ⲁⲓⲉⲣϩⲉⲗⲡⲓⲥ ⲉ̀ⲣⲟⲕ Ⲡⲁⲛⲟⲩϯ: ⲭⲱ ⲛⲏⲓ ⲉ̀ⲃⲟⲗ ⲱ̀ Ⲡⲁⲟ̅ⲥ̅ Ⲓⲏ̅ⲥ̅: ϩⲓⲧⲉⲛ ⲛⲓⲡ̀ⲣⲉⲥⲃⲩⲁ̀ ⲛ̀ϯⲙⲁⲥⲛⲟⲩϯ: Ⲙⲁⲣⲓⲁ̀ ϯϭ̀ⲣⲟⲙⲡⲓ ⲉⲑⲛⲉⲥⲱⲥ.

+ Ⲃⲟⲛ ⲛⲓⲃⲉⲛ ⲉⲧ ϩⲓϫⲉⲛ ⲡⲓⲕⲁϩⲓ: ⲉⲩϯⲱ̀ⲟⲩ ⲛ̀ϯⲕⲁⲑⲁⲣⲟⲥ: ϫⲉ ⲛⲓⲧⲁⲅⲙⲁ ⲧⲏⲣⲟⲩ ⲛ̀ⲧⲉ ⲛⲓⲫⲏⲟⲩⲒ̀: ⲥⲉϫⲱ ⲛ̀ⲛⲉⲙⲁⲕⲁⲣⲓⲥⲙⲟⲥ.

+ Ⲅⲉ ⲅⲁⲣ ⲛ̀ⲑⲟ ⲡⲉ ϯⲙⲁⲥⲛⲟⲩϯ: ⲛⲉⲙ ϯⲡⲩⲗⲏ ⲛ̀ⲧⲉ ⲛⲓⲙⲁⲛϣⲁⲓ: ⲛⲉⲙ ϯⲥ̀ⲕⲩⲛⲏ ⲙ̀ⲙⲁϩⲃ̅ϯ: ⲑ̀ⲙⲁⲩ ⲙ̀Ⲡⲭ̅ⲥ̅ Ⲁ̀ⲇⲱⲛⲁⲓ.

+ Ⲇⲁⲩⲓⲇ ⲁϥⲧⲁⲙⲟⲛ ⲙ̀ⲡⲁⲓⲣⲏϯ: ϫⲉ ⲁⲩⲥⲁϫⲓ ⲛ̀ϩⲁⲛⲧⲁⲓⲟ̀ ⲉⲑⲃⲏϯ: ⲱ̀ ϯⲃⲁⲕⲓ ⲛ̀ⲧⲉ Ⲫϯ: ⲑⲏⲉ̀ⲧⲁ Ⲡⲭ̅ⲥ̅ ϣⲁⲓ ⲛⲁⲛ ⲛ̀ϧⲏϯ.

+ Ⲉⲑⲃⲉ Ⲙⲁⲣⲓⲁ̀ ϯⲡⲁⲣⲑⲉⲛⲟ: ⲁⲩⲧⲁⲥⲑⲟ ⲉ̀ⲡⲓⲡⲁⲣⲁⲇⲓⲥⲟⲥ: Ⲁ̀ⲇⲁⲙ ⲛⲉⲙ Ⲉ̀ⲩⲁ ⲛⲉⲙ ⲛⲓⲇⲓⲕⲉⲟⲥ: ⲛⲉⲙ ⲛⲉⲛⲓⲟϯ ⲛ̀ⲁⲣⲭⲉⲟⲥ.

+ Ⲍ̅ ⲛ̀ⲧⲁⲅⲙⲁ ⲉⲧϧⲉⲛ ⲧ̀ⲫⲉ: ⲉⲩϯⲱ̀ⲟⲩ ⲛⲉ ⲱ̀ ϯⲟⲩⲣⲟ: ϫⲉ ⲁ̀ Ⲫ̀ⲓⲱⲧ ϫⲟⲩϣⲧ ⲉ̀ⲃⲟⲗϧⲉⲛ ⲧ̀ⲫⲉ: ⲙ̀ⲡⲉϥϫⲉⲙ ⲫⲏⲉⲧⲟ̀ⲛⲓ ⲙ̀ⲙⲟ.

+ Ⲏ̀ⲡⲡⲉ ⲁ̀ⲗⲏⲑⲱⲥ ⲁ̀ⲣⲉϭⲓⲥⲓ: ⲉ̀ϩⲟⲧⲉ ⲛⲓⲫⲏⲟⲩⲒ̀ ⲛⲉⲙ ⲛⲓⲁⲣⲭⲏ: ϫⲉ ⲛⲓⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ: ⲥⲉⲙⲟϣⲓ ϧⲉⲛ ⲡⲉⲟⲩⲱⲓⲛⲓ.

+ Ⲑⲁⲓ ⲧⲉ ϯϭⲓⲡⲓ ⲉⲧⲁ̀ⲥⲓ̀ⲱⲟⲩ: ⲑⲏⲉ̀ⲧⲁⲥϥⲁⲓ ϧⲁ ⲡ̀ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: ϫⲉ ⲁ̀ Ⲫ̀ⲓⲱⲧ ⲉⲣⲧⲉⲭⲛⲓⲧⲏⲥ ⲉ̀ⲣⲟ: ⲁ̀ Ⲡⲡ̅ⲛ̅ⲁ̅ ⲉ̅ⲑ̅ⲩ̅ Ⲓ̀ ⲉ̀ϫⲱ.

+ Ⲓⲏ̅ⲥ̅ ⲡ̀ϣⲏⲣⲓ ⲙ̀ⲫⲏⲉⲧϭⲟⲥⲓ: ⲁϥⲙⲉⲛⲣⲉ ⲧⲉⲡⲁⲣⲑⲉⲛⲓⲁ̀: ⲟⲩⲟϩ ⲟⲩϫⲟⲙ ⲛ̀ⲧⲉ ⲫⲏⲉⲧϭⲟⲥⲓ: ⲉⲑⲛⲁⲉⲣϧⲏⲓⲩⲓ ⲉ̀ⲣⲟ Ⲙⲁⲣⲓⲁ.

+ Ⲕⲉ ⲅⲁⲣ ⲛ̀ⲑⲟ ⲡⲉ ⲉ̀ⲧⲉⲛϩⲟⲧ: ⲁϥⲟⲩⲱⲣⲡ ϣⲁⲣⲟ ⲉ̀ⲃⲟⲗϧⲉⲛ ⲧ̀ⲫⲉ: ϫⲉ ⲭⲉⲣⲉ ⲑⲏⲉⲑⲙⲉϩ ⲛ̀ϩ̀ⲙⲟⲧ: ⲱ̀ ϯⲕⲁⲑⲁⲣⲟⲥ Ⲡⲟ̅ⲥ̅ ⲛⲉⲙⲉ.

+ Ⲗⲟⲓⲡⲟⲛ ⲛ̀ⲑⲟϥ ⲛⲉⲙⲁⲥ ⲁϥⲥⲁϫⲓ: ϧⲉⲛ ⲟⲩⲥ̀ⲙⲏ ⲛ̀ⲧⲉ ⲡ̀ⲑⲉⲗⲏⲗ: ϫⲉ ϩⲏⲡⲡⲉ ⲧⲉⲣⲁⲉⲣⲃⲟⲕⲓ: ⲟⲩⲟϩ ⲛ̀ⲧⲉⲙⲓⲥⲓ ⲛ̀Ⲉⲙⲙⲁⲛⲟⲩⲏⲗ.

+ Ⲙⲁⲣⲓⲁ̀ ϯϣⲉⲗⲉⲧ ⲙ̀ⲙⲏⲓ: Ⲙⲁⲣⲓⲁ̀ ⲡ̀ⲥⲱϯ ⲙ̀ⲡⲉⲛⲅⲉⲛⲟⲥ: Ⲙⲁⲣⲓⲁ̀ ϯⲙⲟⲩⲕⲓ ⲙ̀ⲙⲏⲓ: ⲑⲏⲉ̀ⲧⲁ Ⲓⲁⲕⲱⲃ ⲛⲁⲩ ⲉ̀ⲣⲟⲥ.

+ Ⲛ̀ⲑⲟ ⲡⲉ ⲡⲓⲡⲁⲣⲁⲇⲓⲥⲟⲥ: ⲛ̀ⲗⲟⲅⲓⲕⲟⲛ ⲛ̀ⲧⲉ Ⲡⲭ̅ⲥ̅: ⲛⲉⲙ ⲑ̀ⲛⲟⲩⲛⲓ ⲛ̀ⲛⲓⲇⲓⲕⲉⲟⲥ: ⲑ̀ⲙⲁⲩ ⲙ̀Ⲫϯ ⲡⲓⲗⲟⲅⲟⲥ.

+ Ⲝⲁⲣⲓⲧⲟⲥ ⲛ̀ⲟⲣⲑⲟⲇⲟⲝⲟⲥ: ⲉⲩϯⲱ̀ⲟⲩ ⲛⲉ ϧⲉⲛ ϩⲁⲛϩⲩⲙⲛⲟⲥ: ϫⲉ ⲭⲉⲣⲉ ⲡⲓⲑ̀ⲣⲟⲛⲟⲥ ⲛ̀ⲧⲉ Ⲡⲭ̅ⲥ̅: ⲡⲉⲛⲛⲏⲃ Ⲡ̀ⲥⲱⲧⲏⲣ ⲙ̀ⲡⲓⲕⲟⲥⲙⲟⲥ.

+ Ⲟⲩϣⲁⲓ ⲙ̀ⲡⲁⲣⲑⲉⲛⲓⲕⲟⲛ: ⲛⲉⲙ ⲟⲩⲛⲁⲕϩⲓ ⲙ̀ⲡ̅ⲛ̅ⲁ̅ⲧⲓⲕⲟⲛ: ⲟⲩϣ̀ⲫⲏⲣⲓ ⲙ̀ⲡⲁⲣⲁⲇⲟⲝⲟⲛ: ⲕⲁⲧⲁ ⲛⲓⲟ̀ⲙⲏ ⲙ̀ⲡ̀ⲣⲟⲫⲏⲧⲓⲕⲟⲛ.

+ Ⲡⲉ ⲡⲓϫⲓⲛⲙⲓⲥⲓ ⲉⲧⲥ̀ⲙⲁⲣⲱⲟⲩⲧ: ⲉ̀ⲃⲟⲗϧⲉⲛ Ⲙⲁⲣⲓⲁ̀ Ϯⲡⲁⲣⲑⲉⲛⲟⲥ: ϯⲁ̀ⲗⲟⲩ ⲛ̀ⲥⲁⲃⲏ ⲑⲏⲉ̀ⲧⲉⲛϩⲟⲧ: ϯϣⲟⲩⲣⲏ ⲛ̀ⲛⲟⲩⲃ ⲛ̀ⲕⲁⲑⲁⲣⲟⲥ.

+ Ⲣⲁϣⲓ ⲱ̀ ϯϣⲉⲗⲉⲧ ⲙ̀ⲙⲏⲓ: ⲱ̀ ϯⲡⲟⲗⲓⲥ ⲙ̀ⲙⲏⲓ Ⲥⲓⲱⲛ: Ⲙⲁⲣⲓⲁ̀ ϯⲟⲩⲣⲟ ⲙ̀ⲙⲏⲓ: ⲑ̀ⲙⲁⲩ ⲙ̀ⲡ̀ⲟⲩⲣⲟ ⲛ̀ⲛⲓⲉ̀ⲱⲛ.

+ Ⲥⲱⲧⲉⲙ ⲉ̀ⲣⲟⲛ ϧⲉⲛ ⲛⲉⲛⲑ̀ⲗⲩⲯⲓⲥ: ⲟⲩⲟϩ ⲛⲁϩⲙⲉⲛ ⲉ̀ⲃⲟⲗϧⲉⲛ ⲛⲉⲛϫⲁϫⲓ: ⲱ̀ Ⲓⲏ̅ⲥ̅ Ⲡⲭ̅ⲥ̅ ⲡⲓⲙⲟⲛⲟⲅⲉⲛⲏⲥ: ⲟⲩⲟϩ ϫⲱⲣ ⲉ̀ⲃⲟⲗ ⲙ̀ⲡⲟⲩⲥⲟϭⲛⲓ.

+ Ⲧⲉϭⲟⲥⲓ ⲉ̀ⲛⲓⲬⲉⲣⲟⲩⲃⲓⲙ: ⲛⲉⲙ ⲛⲓϫⲟⲙ ⲛⲉⲙ ⲛⲓⲑ̀ⲣⲟⲛⲟⲥ: ⲧⲉⲧⲁⲓⲏⲟⲩⲧ ⲉ̀ⲛⲓⲤⲉⲣⲁⲫⲓⲙ: ⲱ̀ Ⲙⲁⲣⲓⲁ̀ ⲑ̀ⲙⲁⲩ ⲙ̀Ⲡⲭ̅ⲥ̅.

+ Ⲩ̀ⲡⲡⲉ Ⲓⲉⲍⲉⲕⲓⲏⲗ ⲁϥⲥⲁϫⲓ: ϫⲉ ⲁⲓⲛⲁⲩ ⲉ̀ⲟⲩⲡⲩⲗⲏ ⲛ̀ⲥⲁ ⲛⲓⲙⲁⲛ̀ϣⲁⲓ: ⲉⲥⲧⲟⲃ ϧⲉⲛ ⲟⲩⲧⲉⲃⲥ ⲛ̀ϣ̀ⲫⲏⲣⲓ: ⲛ̀ⲑⲟ ⲡⲉ ϯⲡⲩⲗⲏ ⲛⲉⲙ ⲡⲓⲉⲣⲫⲉⲓ.

+ Ⲫϯ ⲫⲏⲉⲑⲙⲱⲧⲉⲛ ⲙ̀ⲙⲟ: ϧⲉⲛ ⲛⲏⲉ̅ⲑ̅ⲩ̅ ⲛ̀ⲧⲁϥ: ⲁϥϣⲁⲓ ⲛ̀ϧⲏϯ ⲁ̀ⲣⲉⲙⲓⲥⲓ ⲙ̀ⲙⲟϥ: ϩⲱⲥ Ⲛⲟⲩϯ ⲁⲛⲛⲁⲩ ⲉ̀ⲣⲟϥ.

+ Ⲭⲉⲣⲉ ⲡⲓⲉⲣⲫⲉⲓ ⲛ̀ⲧⲉ Ⲫϯ: ⲑ̀ⲙⲁⲩ ⲙ̀Ⲡⲭ̅ⲥ̅ Ⲙⲁⲥⲓⲁⲥ: ⲡⲓⲁ̀ⲭⲱⲣⲏⲧⲟⲥ ⲡ̀ϣⲏⲣⲓ ⲙ̀Ⲫϯ: ⲡⲓⲟⲩⲁⲓ ⲉ̀ⲃⲟⲗϧⲉⲛ ϯⲧ̀ⲣⲓⲁⲥ.

+ Ⲯⲩⲭⲏ ⲛⲓⲃⲉⲛ ⲙⲁⲉⲙⲧⲟⲛ ⲛⲱⲟⲩ: ϧⲉⲛ ⲡⲓⲡⲁⲣⲁⲇⲓⲥⲟⲥ ⲉⲑⲃⲉ ϯⲡⲁⲣⲑⲉⲛⲟⲥ: Ⲙⲁⲣⲓⲁ̀ ⲑ̀ⲙⲁⲩ ⲙ̀ⲡ̀ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: Ⲓⲏ̅ⲥ̅ Ⲡⲭ̅ⲥ̅ ⲡⲓⲗⲟⲅⲟⲥ.

+ Ⲱ̀ ⲫⲏⲉ̀ⲧⲁⲥⲙⲁⲥϥ ⲛ̀ϫⲉ Ϯⲡⲁⲣⲑⲉⲛⲟⲥ: ϩⲱⲥ Ⲛⲟⲩϯ ⲙ̀ⲙⲏⲓ ⲛ̀ⲁ̀ⲅⲁⲑⲟⲥ: ⲛⲟϩⲉⲙ ⲙ̀ⲡⲉⲕⲃⲱⲕ Ⲛⲓⲕⲟⲩⲇⲏⲙⲟⲥ: ⲛⲉⲙ ⲡ̀ⲥⲉⲡⲓ ⲛ̀ⲛⲓⲭ̀ⲣⲓⲥⲧⲓⲁ̀ⲛⲟⲥ.

قبطي معرب

+ آي إير هيلبيس إيروك بانوتي: خو نيي إيفول أو باتشويس إيسوس: هيتين ني إبريسڤيا إن تي ماس نوتي: ماريا تي إتشروم بي إثنيسوس.

+ ڤون نيڤين إت هيجين بي كاهي: إف تي أوؤو إن تي كاثاروس: جي ني تاغما تيرو إنتي ني فيؤوإي: سي جو إن ني ماكاريسموس.

+ غي غار إنثو بي تي ماس نوتي: نيم تي بيلي إنتي ني مان شاي: نيم تي إسكيني إم ماه سوب تي: إثماڤو إم بخس آذوناي.

+ ذاڤيذ آف تامون إم باي ريتي: جي آڤ ساجي إن هان تايو إثڤيتي: أو تي ڤاكي إنتي إفت: ثي إيتا بخس شاي نان إن خيتي.

+ إثڤي ماريا تي بارثينوس: آڤ تاسثو إي بي باراذيسوس: آذام نيم إيڤا نيم ني ذيكيئوس: نيم نين يوتي إن أرخيئوس.

+ زيتا إن تاغما إت خين إتفي: إف تي أوؤو ني أو تي أورو: جي إ إفيوت جوشت إيڤول خين إتفي: إم بيف جيم في إيت أوني إممو.

+ إيبي آليثوس آري تشي سي: إيهوتي ني فيؤوإي نيم ني أرشي: جي ني أوروؤو تيرو إنتي إبكاهي: سي موشي خين بي أو أويني.

+ ثاي تي تي تشي بي إيتا إس إي أووو: ثي إيتا إس فاي خا إب أورو إنتي إب أوؤو: جي إ إفيوت إير تيخنيتيس إيرو: إ إبنفما إثؤاڤ إي إي جو.

+ إيسوس إبشيري إم في إيت تشوسي: آف مين ري تي بارثينيا: أووه أو جوم إنتي في إيت تشوسي: إثنا إير خي إيڤي إيرو ماريا.

+ كي غار إنثو بي إيتين هوت: آف أو أورب شارو إيڤول خين إتف: جي شيري ثي إثميه إن إهموت: أو تي كاثاروس بتشويس نيمي.

+ لويبون إنثوف نيماس آف ساجي: خين أو إسمي إنتي إبثيليل: جي هيبي تير آير ڤوكي: أووه إنتي ميسي إن إممانوإيل.

+ ماريا تي شيليت إمميي: ماريا إبسوتي إم بين غينوس: ماريا تي موكي إمميي: ثي إيتا ياكوڤ ناڤ إيروس.

+ إنثو بي بي باراذيسوس: إن لوغيكون إنتي بخس: نيم إثنوني إن ني ذيكيئوس: إثماڤو إم إفتي بي لوغوس.

+ كساريتوس إن أورثوذوكسوس: إف تي أوؤو ني خين هان هيمنوس: جي شيري بي ثرونوس إنتي بخس: بين نيڤ إبسوتير إم بي كوسموس.

+ أو شاي إم بارثينيكون: نيم أو ناكهي إم إبنفماتيكون: أو إشفيري إم باراذوكسون: كاتا ني أومي إم إبروفيتيكون.

+ بي بي جين ميسي إت إسماروؤوت: إيڤول خين ماريا تي بارثينوس: تي آلو إن ساڤي ثي إيتين هوت: تي شوري إن نوڤ إن كاثاروس.

+ راشي أو تي شيليت إمميي: أو تي بوليس إمميي سيون: ماريا تي أورو إمميي: إثماڤو إم إب أورو إن ني إيئون.

+ سوتيم إيرون خين نين إثليپسيس: أووه ناهمين إيڤول خين نين جاجي: أو إيسوس بخس بي مونوغينيس: أووه جور إيڤول إم بو سوتشني.

+ تي تشوسي إي ني شيروڤيم: نيم ني جوم نيم ني ثرونوس: تي تايوت إي ني سيرافيم: أو ماريا إثماڤو إم بخس.

+ إيبي إيزيكيإيل آف ساجي: جي آي ناڤ إي أو بيلي إنسا ني مان شاي: إس توڤ خين أو تيفس إن إشفيري: إنثو بي تي بيلي نيم بي إير في.

+ إفتي في إيثموتين إمموف: خين ني إثؤاڤ إنتاف: آف شاي إن خيتي آري ميسي إمموف: هوس نوتي آن ناڤ إيروف.

+ شيري بي إير في إنتي إفتي: إثماڤو إم بخس ماسياس: بي آخوريتوس إبشيري إم إفتي: بي أو آي إيڤول خين تي إترياس.

+ إپسيشي نيڤين ما إمتون نوؤ : خين بي باراذيسوس إثڤي تي بارثينوس: ماريا إثماڤو إم إب أورو إنتي إب أوؤو: إيسوس بخس بي لوغوس.

+ أو في إيتا إس ماسف إنجي تي بارثينوس: هوس نوتي إمميي إن آغاثوس: نوهيم إم بيك ڤوك نيكوذيموس: نيم إبسيبي إن ني خريستيانوس.

المناسبة الكنسية الحالية

مكتبة الألحان