+ Ⲁⲡⲁϩⲏⲧ ⲛⲉⲙ ⲡⲁⲗⲁⲥ: ϩⲱⲥ ⲉ̀ϯⲧⲣⲓⲁⲥ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲃⲟⲛ Ⲛⲓⲃⲉⲛ ⲥⲉϩⲱⲥ ⲛⲁⲕ: ⲟⲩⲟϩ ⲥⲉⲉⲡⲃⲱⲕ ⲛⲁⲕ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲅⲉ ⲅⲁⲣ ⲛ̀ⲑⲟⲕ Ⲡⲉⲛⲟⲩϯ: Ⲡⲉⲛⲥⲱⲧⲏⲣ ⲟⲩⲟϩ ⲡⲓⲛⲓϣϯ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲇⲉⲥⲡⲟⲩⲇⲉ ⲕⲩⲣⲓⲟⲛ: ⲁϥⲓ̀ ⲁϥⲥⲱϯ ⲙ̀ⲙⲟⲛ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲉⲑⲃⲉ ⲛⲉⲥⲕϩⲁⲡ ⲙ̀ⲙⲏⲓ: ⲙⲁⲧⲥⲁⲃⲟⲓ ⲉ̀ⲛⲉⲕⲙⲉⲑⲙⲏⲓ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲍⲉⲟϣ ⲡⲉ ⲡⲉⲕⲛⲁⲓ: ϫⲉⲙ ⲡⲉⲛϣⲓⲛⲓ ϧⲉⲛ ⲡⲉⲕⲟⲩϫⲁⲓ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲏⲥ ϩⲏⲡⲡⲉ ⲁ̀ⲛⲟⲕ: ⲉⲓⲉ̀ⲫⲱⲧ ϩⲁⲣⲟⲕ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲑⲱⲕ ⲧⲉ ϯϫⲟⲙ ⲛⲉⲙ ⲡⲓⲱ̀ⲟⲩ: ⲱ ⲡⲓⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲓⲏ̅ⲥ̅ ⲡⲉ ⲧⲉⲛϩⲉⲗⲡⲓⲥ: ϧⲉⲛ ⲛⲉⲛⲑ̀ⲗⲩⲫⲥⲓⲥ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲕ̀ⲥ̀ⲙⲁⲣⲟⲱⲧ Ⲩⲥ̅ Ⲑⲥ̅: ⲛⲁϩⲙⲉⲛ ϧⲉⲛ ⲛⲓⲡⲓⲣⲁⲥⲙⲟⲥ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲗⲁⲟⲥ ⲛⲓⲃⲉⲛ ⲥⲉϩⲱⲥ ⲛⲁⲕ: ⲱ̀ ⲡ̀ⲟⲩⲣⲟ Ⲡⲭ̅ⲥ̅: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲙⲟⲓ ⲛⲁⲛ ⲛ̀ⲧⲉⲕϩⲓⲣⲏⲛⲏ: ⲙⲁⲧⲁⲗϭⲟ ⲛ̀ⲛⲉⲛϣⲱⲛⲓ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲛ̀ⲑⲟⲕ ⲟⲩⲣⲉϥϣⲉⲛϩⲏⲧ: ⲟⲩⲟϩ ⲛ̀ⲛⲁⲏⲧ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲝⲙⲁⲣⲱⲟⲩⲧ ⲛ̀ⲑⲟⲕ: ⲧⲉⲛϩⲱⲥ ⲛⲁⲕ ⲥ̀ⲙⲟⲩ ⲉ̀ⲣⲟⲕ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲟⲩⲛⲓϣϯ ⲛ̀ⲧⲁⲫ̀ⲙⲏⲓ: ⲡⲓⲣⲉϥϯϩⲁⲡ ⲙ̀ⲙⲏⲓ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲡⲉⲕⲣⲁⲛ ⲉⲧⲥ̀ⲙⲁⲣⲱⲟⲩⲧ: ⲱ̀ ⲡⲓⲗⲟⲅⲟⲥ ⲛ̀ⲧⲁⲫ̀ⲙⲏⲓ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲣⲱⲓⲥ ⲉ̀ⲡⲟⲛ ⲱ̀ Ⲡⲭ̅ⲥ̅: ϧⲉⲛ ⲧⲉⲕⲙⲉⲧⲁ̀ⲅⲁⲑⲟⲥ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲥⲱⲧⲉⲙ ⲉ̀ⲛⲓⲡⲉϥⲉⲣⲛⲟⲃⲓ: ϧⲉⲛ ⲛⲟⲩⲁ̀ⲛⲁⲅⲕⲏ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲧⲁⲯⲩⲭⲏ ⲛⲉⲙ ⲡⲁⲛⲟⲩⲥ: ⲱ̀ⲗⲟⲩ ⲉⲟⲩⲣⲁⲛⲟⲥ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲩⲥ̅ Ⲑⲥ̅ Ⲡⲉⲛⲛⲟⲩϯ: ⲙⲟⲓ ⲛⲁⲛ ⲛ̀ⲟⲩⲥⲱϯ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲫϯ ⲡⲓⲛⲁⲏⲧ: ⲡⲓⲣⲉϥⲱⲟⲩⲛ̀ϩⲏⲧ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲭ̀ⲟⲩⲁⲃ ⲭⲭ̀ⲟⲩⲁⲃ ⲭ̀ⲭⲟⲩⲁⲃ: ⲡ̀ϣⲏⲣⲓ ⲙ̀Ⲫⲏ̅̅ⲉ̅ⲑ̅ⲩ̅: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲯⲩⲭⲏ ⲛ̀ⲛⲉⲛⲓⲟϯ: ⲙⲁⲙ̀ⲧⲟⲛ ⲛⲱⲟⲩ ⲱ̀ ⲡⲓⲣⲉϥⲥⲱϯ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲱ ⲡⲉⲛⲛⲏⲃ ⲣ̀ⲓⲡⲉⲛⲙⲉⲩⲓ̀: ϧⲉⲛ ⲧⲉⲕⲙⲉⲧⲟⲩⲣⲟ ⲛ̀ⲛⲁ ⲛⲓⲫⲏⲟⲩⲓ̀: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.

+ Ⲁⲡⲁϩⲏⲧ ⲛⲉⲙ ⲡⲁⲗⲁⲥ: ϩⲱⲥ ⲉ̀ϯⲧⲣⲓⲁⲥ: ⲁ̀ⲅⲓⲁ ⲧ̀ⲣⲓⲁⲥ: ⲉ̀ⲗⲉⲏ̀ⲥⲟⲛ ⲏ̀ⲙⲁⲥ.