Ⲑ̀ⲣⲓⲛⲟⲓ Ⲓⲉⲣⲉⲙⲓⲟⲩ Ⲕⲉⲫ ⲅ̅: ⲁ̅ ϣ̅ⲃ̅ⲗ̅

Ⲉ̀ⲃⲟⲗϧⲉⲛ Ⲑ̀ⲣⲓⲛⲟⲓ Ⲓⲉⲣⲉⲙⲓⲟⲩ ⲡⲓⲡ̀ⲣⲟⲫⲏⲧⲏⲥ: ⲉ̀ⲣⲉⲡⲉϥⲥ̀ⲙⲟⲩ ⲉ̀ⲑⲟⲩⲁⲃ ϣⲱⲡⲓ ⲛⲉⲙⲁⲛ ⲁ̀ⲙⲏⲛ ⲉϥϫⲱ ⲙ̀ⲙⲟⲥ.

Ⲁ̅ ⲁ̀ⲛⲟⲕ ⲫ̀ⲣⲱⲙⲓ ⲁ̀ⲛⲟⲕ ⲉⲑⲛⲁⲩ ⲉ̀ϯⲙⲉⲧϩⲏⲕⲓ: ⲁϥⲓ̀ ⲉ̀ϩ̀ⲣⲏⲓ ⲉ̀ϫⲱⲓ ϧⲉⲛ ⲡⲓϣⲃⲱⲧ ⲛ̀ⲧⲉ ⲡⲉϥϫⲱⲛⲧ. Ⲁϥⲁ̀ⲙⲟⲛⲓ ⲙ̀ⲙⲟⲓ ⲟⲩⲟϩ ⲁϥⲟⲗⲧ ⲉ̀ϧⲟⲩⲛ ⲉ̀ⲟⲩⲭⲁⲕⲓ ⲉ̀ⲟⲩⲱⲓⲛⲓ ⲁⲛ: ⲡ̀ⲗⲏⲛ ⲁϥⲧⲁⲥⲑⲟ ⲛ̀ⲧⲉϥϫⲓϫ ⲛ̀ϧ̀ⲣⲏⲓ ⲛ̀ϧⲏⲧ ⲙ̀ⲡⲓⲉ̀ϩⲟⲟⲩ ⲧⲏⲣϥ.

Ⲃ̅ Ⲁϥⲑⲣⲉⲥⲗⲱⲙ ⲛ̀ϫⲉ ⲧⲁⲥⲁⲣⲝ ⲛⲉⲙ ⲡⲁϣⲁⲣ: ⲁϥϧⲟⲙϧⲉⲙ ⲛ̀ⲛⲁⲕⲁⲥ. Ⲁϥⲕⲱϯ ⲉ̀ⲣⲟⲓ ⲟⲩⲟϩ ⲁϥⲱ̀ⲣϥ ⲛ̀ⲧⲁⲁ̀ⲫⲉ ⲉ̀ϧⲟⲩⲛ: Ⲁϥⲧ̀ϩⲉⲙⲕⲟⲓ ϧⲉⲛ ϩⲁⲛⲙⲁ ⲛ̀ⲭⲁⲕⲓ: ⲁϥⲧ̀ϩⲉⲙⲥⲟⲓ ⲉ̀ϧ̀ⲣⲏⲓ ⲙ̀ⲫ̀ⲣⲏϯ ⲛ̀ϩⲁⲛⲣⲉϥⲙⲱⲟⲩ ⲛⲉ̀ⲛⲉϩ.

Ⲅ̅ Ⲁϥⲕⲱϯ ⲉ̀ⲣⲟⲓ: ⲟⲩⲟϩ ⲛ̀ϯⲛⲁⲉⲣ ⲉ̀ⲃⲟⲗ ⲁⲛ: ⲁϥⲧⲁϣⲟ ⲛ̀ⲛⲁⲥ̀ⲛⲁⲩϩⲛⲉⲙ ⲡⲁϩⲁⲧ. ϯⲛⲁⲙⲟⲩϯ ϫⲉ ⲉ̀ⲡ̀ϣⲱⲓ ⲟⲩⲃⲏϥ ⲟⲩⲟϩ ⲙⲡⲉϥⲥⲱⲧⲉⲙ ⲉ̀ⲣⲟⲓ ⲛ̀ⲧⲁⲱϣ ⲉ̀ⲃⲟⲗ ϩⲁⲣⲟϥ: ⲙ̀ⲡⲉϥ ϯⲙⲁϯ ϫⲉ ⲉ̀ⲑ̀ⲣⲉ ⲧⲁⲡ̀ⲣⲟⲥⲉⲩⲭⲏ ϭⲱⲗⲕ. Ⲁϥⲕⲱϯ ⲉ̀ϩ̀ⲣⲉⲛ ⲛⲁⲙⲱⲓⲧ: ⲟⲩⲟϩ ⲁϥϣ̀ⲑⲙⲁ ⲛ̀ⲛⲁⲙⲱⲓⲧ ⲙ̀ⲙⲟϣⲓ.

Ⲇ̅ Ⲁⲥϣ̀ⲑⲟⲣⲧⲉⲣ ⲛ̀ϫⲉ ⲟⲩⲥⲁⲣⲝ ⲉⲥϫⲟⲣ. Ⲛ̀ⲑⲟϥ ⲡⲉ ⲧⲁϥⲉⲣⲙⲟⲩⲓ̀ ⲉ̀ⲣⲟⲓ ϧⲉⲛ ⲡⲓⲙⲁ ⲉⲧϩⲏⲡ. Ⲁϥϭⲟϫⲓ ⲛ̀ⲥⲁ ⲫⲏⲉⲧⲟϩⲓ ⲉ̀ⲣⲁⲧϥ: ⲟⲩⲟϩ ⲁϥⲣⲁϧⲧ ⲁϥⲭⲁⲧ ⲉⲓⲧⲁⲕⲏⲟⲩⲧ. Ⲁϥϭⲱⲗⲕ ⲛ̀ⲧⲉϥⲫⲓϯ ⲟⲩⲟϩ ⲁϥⲧⲁϩⲟⲓ ⲉ̀ⲣⲁⲧ ⲙ̀ⲫ̀ⲣⲏϯ ⲛ̀ⲟⲩⲥ̀ⲕⲟⲡⲟⲥ: ⲉⲑⲣⲉϥϩⲓⲟⲩⲓ̀ ⲙ̀ⲡⲉϥⲥⲟⲃϯ ⲉ̀ϧⲟⲩⲛ ⲉ̀ⲣⲟⲓ.

Ⲉ̅ Ⲁϥⲑ̀ⲣⲟⲩϣⲉ ⲉ̀ϧⲟⲩⲛ ⲉ̀ⲛⲁϭ̀ⲗⲱⲧ ⲛ̀ϫⲉ ⲛⲓⲥⲟⲑⲛⲉϥ ⲛ̀ⲧⲉ ⲡⲉϥⲥ̀ⲕⲉⲩⲟⲥ ⲛ̀ϩⲓⲥⲟⲑⲛⲉϥ. Ⲁⲓϣⲱⲡⲓ ⲛ̀ⲥⲱⲃⲓ ⲙ̀ⲡⲁⲗⲁⲟⲥ ⲧⲏⲣϥ: ⲛⲁⲓ ⲟⲓ ⲙ̀ⲯⲁⲗⲙⲟⲥ ⲛⲱⲟⲩ ⲙ̀ⲡⲓⲉ̀ϩⲟⲟⲩ ⲧⲏⲣϥ. Ⲁϥⲧ̀ⲥⲟⲓ ⲛ̀ϣⲁϣⲓ: ⲟⲩⲟϩ ⲁϥⲑ̀ⲣⲓⲑⲁϧⲓ ϧⲉⲛ ⲟⲩⲉⲛϣⲁϣⲓ.

ⲋ Ⲟⲩⲟϩ ⲁϥⲑⲣⲉⲃⲓⲟ ⲛ̀ⲛⲁⲛⲁϫϩⲓ ϧⲉⲛⲟⲩⲁⲗ ⲛ̀ⲱ̀ⲛⲓ: ⲁϥⲧⲉⲙⲙⲟⲓ ⲛ̀ⲟⲩⲕⲉⲣⲙⲓ: Ⲟⲩⲟϩ ⲁϥϩⲓⲟⲩⲓ̀ ⲙ̀ⲧⲁⲯⲩⲭⲏ ⲉ̀ⲃⲟⲗϧⲉⲛ ⲧ̀ϩⲓⲣⲏⲛⲏ: ⲁⲓⲉⲣⲡ̀ⲱⲃϣ ⲛ̀ⲛⲁⲁ̀ⲅⲁⲑⲟⲛ: Ⲟⲩⲟϩ ⲁⲥⲧⲁⲕⲟ ⲛ̀ϫⲉ ⲧⲁϩⲩⲡⲟⲥ ⲧⲁⲥⲓⲥ: ⲛⲉⲙ ⲧⲁϩⲉⲗⲡⲓⲥ ⲉ̀ⲃⲟⲗ ϩⲓⲧⲉⲛ Ⲡ̀ϭⲟⲓⲥ.

Ⲍ̅ Ⲁⲓⲉⲣⲫ̀ⲙⲉⲩⲓ̀ ⲉ̀ⲃⲟⲗ ϧⲉⲛ ⲧⲁⲙⲉⲧϩⲏⲕⲓ ⲛⲉⲙ ⲡⲁⲇⲓⲱⲅⲙⲟⲥ: ⲟⲩϣⲁϣⲓ ⲛⲉⲙ ⲟⲩⲉⲛϣⲁϣⲓ ⲥⲉⲛⲁ ⲉⲣⲡⲁⲙⲉⲩⲓ̀: ⲟⲩⲟϩ ⲉ̀ⲣⲉ ⲧⲁⲯⲩⲭⲏ ⲉⲣⲙⲉⲗⲉⲧⲁⲛ ⲛⲉⲙⲏⲓ ⲡ̅ⲛ̅ⲁ̅ ⲉⲓⲉ̀ϫⲉⲙ ⲕⲁϯ ϧⲉⲛ ⲡⲁϩⲏⲧ.

Ⲏ̅ Ⲉⲑⲃⲉ ⲫⲁⲓ ⲉⲓⲉ̀ⲁ̀ⲙⲟⲛⲓ ⲛ̀ⲧⲟⲧ: ⲉ̀ⲛⲓⲙⲉⲑⲛⲁⲏⲧ ⲛ̀ⲧⲉ Ⲡ̀ⲟ̅ⲥ̅: ϫⲉ ⲙ̀ⲡⲉϥⲭⲁⲧ ⲛ̀ⲥⲱϥ: ⲟⲩⲇⲉ ⲙ̀ⲡⲁⲩⲙⲟⲩⲛⲕ ⲛ̀ϫⲉ ⲛⲉϥⲙⲉⲧϣⲉⲛϩⲏⲧ ϧⲉⲛ ⲛⲓⲁ̀ⲃⲟⲧ ⲛⲉⲙ ⲛⲓⲉ̀ϩⲟⲟⲩ ⲧⲏⲣⲟⲩ. Ⲛⲁⲓⲛⲁⲛ Ⲡ̀ϭⲟⲓⲥ ϧⲉⲛ ⲡⲉⲛⲙⲟⲩⲛⲕ: ϫⲉ ⲙ̀ⲡⲁⲩⲙⲟⲩⲛⲕ ⲛ̀ϫⲉ ⲛⲉⲕⲙⲉⲧϣⲉⲛϩⲏⲧ. Ⲭⲁⲛⲃⲉⲣⲓ ⲉⲩⲉ̀ϣⲱⲡⲓ ⲉ̀ϯⲁⲣⲭⲏ. ⲡⲉⲕⲛⲁϩϯ ⲛⲁⲁϥ ⲡⲉ. Ⲁⲥϫⲟⲥ ⲛ̀ϫⲉ ⲧⲁⲯⲩⲭⲏ ϫⲉ ⲧⲁⲧⲟⲓ ⲡⲉ Ⲡ̀ⲟ̅ⲥ̅: ⲉⲑⲃⲉ ⲫⲁⲓ ⲉⲓⲉ̀ⲁ̀ⲙⲟⲛⲓ ⲛ̀ⲧⲟⲧ ⲛⲁϥ.

Ⲑ̅ Ⲟⲩⲁ̀ⲅⲁⲑⲟⲥ ⲡⲉ Ⲡ̀ⲟ̅ⲥ̅ ⲛ̀ⲛⲏⲉ̀ⲧⲉⲣϩⲩⲡⲟⲙⲟⲛⲓⲛ ⲉ̀ⲣⲟϥ: ⲛⲁⲛⲉϥ ⲅⲁⲣ ⲛ̀ϯⲯⲩⲭⲏ ⲉⲧⲕⲱϯ ⲛ̀ⲥⲱϥ: Ⲟⲩⲟϩ ⲉⲥⲟϩⲓ ⲉ̀ⲡⲓⲟⲩϫⲁⲓ ⲛ̀ⲧⲉ Ⲡ̀ϭⲟⲓⲥ: ⲛ̀ⲧⲉⲥϣⲱⲡⲓ ϧⲉⲛ ⲟⲩⲏⲥⲩⲭⲓⲁ̀: Ⲛⲁⲛⲉⲥ ⲙ̀ⲡⲓⲣⲱⲙⲓ ⲉ̀ϣⲱⲡ ⲁϥϣⲁⲛϥⲁⲓ ⲙ̀ⲡⲓⲛⲁϩⲃⲉϥ ⲉ̀ϫⲱϥ ⲓⲥϫⲉⲛ ⲧⲉϥⲙⲉⲧⲁ̀ⲗⲟⲩ.

Ⲓ̅ Ϥ̀ⲛⲁϩⲉⲙⲥⲓ ⲉ̀ϧ̀ⲣⲏⲓ ⲙ̀ⲙⲁⲩⲁⲧϥ: ⲛ̀ⲧⲉϥⲭⲁⲣⲱϥ ϫⲉ ⲁϥⲧⲁⲗⲟϥ ⲉ̀ϫⲱϥ. ϥ̀ⲛⲁⲭⲁⲣⲱϥ ϧⲉⲛ ⲡ̀ⲕⲁϩⲓ ⲁ̀ⲣⲏⲟⲩ ⲛ̀ⲧⲉϥϫⲉⲙ ⲟⲩϩⲉⲗⲡⲓⲥⲡ̅ⲛ̅ⲁ̅ Ϥ̀ⲛⲁⲣⲓⲕⲓ ⲛ̀ⲧⲉϥⲟⲩⲟϫⲓ ⲙ̀ⲫⲏⲉⲑⲛⲁⲣⲁϧⲧϥ ⲉ̀ⲣⲟⲥ: ⲉϥⲉ̀ⲥⲓ ⲛ̀ϣ̀ⲫⲓⲧ.

Ⲓ̅Ⲁ̅ Ϫⲉ ⲛ̀ⲛⲉϥⲭⲁϥ ⲛ̀ⲥⲱϥ ⲛ̀ϫⲉⲠ̀ⲟ̅ⲥ̅ ϣⲁⲉ̀ⲛⲉϩ. Ϫⲉ ⲉ̀ⲛⲉ ⲁϥⲑⲉⲃⲓⲟϥ ⲉϥⲉ̀ϣⲉⲛϩⲏⲧ ⲕⲁⲧⲁ ⲡ̀ⲁ̀ϣⲁⲓ ⲛ̀ⲧⲉ ⲡⲉϥⲛⲁⲓ: Ϫⲉ ⲙ̀ⲡⲉϥⲉⲣⲕⲟⲩϫⲓ ⲛ̀ϩⲏⲧ: ⲟⲩⲟϩ ⲁϥⲑⲉⲃⲓⲟϥ ⲉ̀ⲛⲓϣⲏⲣⲓ ⲛ̀ⲧⲉ ⲛⲓⲣⲱⲙⲓ.

Ⲓ̅Ⲃ̅ Ⲉ̀ⲡ̀ϫⲓⲛ ⲑⲉⲃⲓⲟ ϧⲁ ⲛⲉϥϭⲁ̀ⲗⲁⲩϫ ⲛ̀ⲛⲏⲧⲏⲣⲟⲩ ⲉⲑⲙⲏⲣ ⲉ̀ⲡⲓⲕⲁϩⲓ: Ⲉ̀ⲣⲓⲕⲓ ⲉ̀ⲃⲟⲗ ⲙ̀ⲡ̀ϩⲁⲡ ⲛ̀ⲟⲩⲣⲱⲙⲓ: ⲙⲡⲉⲙ̀ⲑⲟ ⲉ̀ⲃⲟⲗ ⲙ̀ⲡ̀ϩⲟ ⲙ̀ⲡⲉⲧϭⲟⲥⲓ. Ⲉ̀ϩⲓ ⲟⲩⲣⲱⲙⲓ ⲉ̀ⲡ̀ϩⲁⲡ: ϧⲉⲛ ⲡ̀ϫⲓⲛ ⲉⲑⲣⲉϥϯϩⲁⲡ ⲉ̀ⲣⲟϥ: ⲙ̀ⲡⲉϥϫⲟⲥ ⲛ̀ϫⲉ Ⲡ̀ⲟ̅ⲥ̅.

Ⲓ̅Ⲅ̅ Ⲛⲓⲙ ⲁϥϫⲟⲥ ⲙ̀ⲡⲁⲓⲣⲏϯ ⲟⲩⲟϩ ⲁϥϣⲱⲡⲓ: ⲙ̀ⲡⲉϥⲟⲩⲁϩⲥⲁϩⲛⲓ ⲛ̀ϫⲉ Ⲡ̀ⲟ̅ⲥ̅ ϩⲓⲛⲁⲓ. Ⲉ̀ⲃⲟⲗϧⲉⲛ ⲣⲱϥ ⲙ̀ⲡⲉⲧϭⲟⲥⲓ: ⲙ̀ⲡⲁⲩⲓ̀ ⲉ̀ⲃⲟⲗ ⲛ̀ϫⲉ ⲛⲓⲡⲉⲑⲛⲁⲛⲉⲩ ⲛⲉⲙ ⲛⲓⲡⲉⲧϩⲱⲟⲩ.Ⲡⲱⲥ ϥ̀ⲛⲁⲭ̀ⲣⲉⲙⲣⲉⲙ ⲛ̀ϫⲉ ⲡⲓⲣⲱⲙⲓ ⲉⲑⲃⲉ ⲡⲓϩⲁⲡ ⲛ̀ⲧⲉ ⲡⲉϥⲛⲟⲃⲓ ⲉϥⲱⲛϧ ⲛ̀ϫⲉ ⲡⲓⲣⲱⲙⲓ.

Ⲓ̅Ⲇ̅ Ⲙⲁⲣⲉⲛ ϧⲟⲧϧⲉⲧ ⲛ̀ⲛⲉⲛⲙⲱⲓⲧ: ⲟⲩⲟϩ ⲛ̀ⲧⲉ ⲙⲟⲩϣⲧ ⲛ̀ⲛⲉⲛⲧⲁⲧⲥⲓ: ⲛ̀ⲧⲉⲛⲧⲁⲥⲑⲟⲛ ϩⲁⲠ̀ⲟ̅ⲥ̅. Ⲙⲁⲣⲉⲛϥⲁⲓ ⲛ̀ⲛⲉⲛϩⲏⲧ ⲛⲉⲙ ⲛⲉⲛϫⲓϫ: ⲛⲁϩⲣⲉⲛ ⲫⲏⲉⲧϭⲟⲥⲓ ⲉⲧϧⲉⲛ ⲧ̀ⲫⲉ. Ⲁⲛⲉⲣⲛⲟⲃⲓ ⲁⲛⲉⲣⲁ̀ⲥⲉⲃⲏⲥ ⲁⲛϯϫⲱⲛⲧⲡ̅ⲛ̅ⲁ̅ ⲛ̀ⲑⲟⲕ ⲇⲉ ⲙ̀ⲡⲉⲕⲭⲱⲛⲁⲛ ⲉ̀ⲃⲟⲗ.

Ⲓ̅Ⲉ̅ Ⲁⲕⲫⲱⲣϣ ⲉ̀ⲃⲟⲗ ⲁⲕϭⲓⲁ̀ⲟⲩⲱ ϧⲉⲛ ⲟⲩϫⲱⲛⲧ ⲟⲩⲟϩ ⲁⲕϭⲟϫⲓ ⲛ̀ⲥⲱⲛ ⲁⲕϧⲟⲑⲃⲉⲛ ⲙ̀ⲡⲉⲕϯⲁ̀ⲥⲟ. Ⲁⲕⲫⲱⲣϣ ⲛ̀ⲟⲩϭⲏⲡⲓⲛⲁⲕ ⲉ̀ⲃⲟⲗ ⲉ̀ϣ̀ⲧⲉⲙ ⲫⲟϩ ⲉ̀ϧ̀ⲣⲏⲓ ϩⲁⲣⲟⲕ ⲛ̀ϫⲉ ⲧⲁⲡ̀ⲣⲟⲥⲉⲩⲭⲏ: ⲉⲑⲣⲓⲑⲉⲃⲓⲟ ⲉ̀ϣⲧⲉⲙ ⲛⲁⲩ ⲛⲉⲙ ⲉ̀ϩⲓⲧⲧ ⲉ̀ⲃⲟⲗ.

Ⲓ̅ⲋ Ⲁⲕⲭⲁⲛ ⲛ̀ⲑ̀ⲙⲏϯ ⲛ̀ⲛⲓⲗⲁⲟⲥ. Ⲁⲩⲟⲩⲱⲛ ⲛ̀ⲣⲱⲟⲩ ⲉ̀ϩ̀ⲣⲏⲓ ⲉ̀ϫⲱⲛ ⲛ̀ϫⲉ ⲛⲉⲛϫⲁϫⲓ ⲧⲏⲣⲟⲩ. ̀Ⲁ̀ ⲟⲩϩⲟϯ ⲛⲉⲙ ⲟⲩϫⲱⲛⲧ ϣⲱⲡⲓ ⲛⲁⲛ: ⲁⲩϥⲁⲓ ⲙ̀ⲙⲟⲛ ⲟⲩⲟϩ ⲁⲩⲣⲁϧⲧⲉⲛ. Ⲛⲁⲃⲁⲗ ⲁⲩⲓ̀ⲛⲓ ϩⲁⲛ ⲙⲟⲩⲙⲓ̀ ⲉ̀ⲃⲟⲗ ⲛ̀ⲧⲉ ϩⲁⲛⲙⲱⲟⲩ: ⲉ̀ϫⲉⲛ ⲡ̀ϧⲟⲙϧⲉⲙ ⲛ̀ⲧ̀ϣⲉⲣⲓ ⲙ̀ⲡⲁⲗⲁⲟⲥ.

Ⲓ̅Ⲍ̅ Ⲡⲁⲃⲁⲗ ⲁϥⲉⲣⲙ̀ⲕⲁϩ ⲛ̀ϯⲛⲁⲭⲁⲣⲱⲓ ⲁⲛ: ⲉ̀ϣ̀ⲧⲉⲙ ϥⲁⲓ ⲛ̀ϫⲱⲓ ⲉ̀ⲡ̀ϣⲱⲓ: ⲱⲁⲧⲉϥϫⲟⲩϣⲧ ⲛ̀ϫⲉ Ⲡ̀ⲟ̅ⲥ̅ ⲛ̀ⲧⲉϥⲛⲁⲩ ⲉ̀ⲃⲟⲗϧⲉⲛ ⲧ̀ⲫⲉ. Ⲡⲁⲃⲁⲗ ⲛⲁϯ ⲙ̀ⲕⲁϩ ⲉ̀ϫⲉⲛ ⲧⲁⲯⲩⲭⲏ ⲡⲁⲣⲁ ⲛⲓϣⲏⲣⲓ ⲧⲏⲣⲟⲩ ⲛ̀ⲧⲉϯⲃⲁⲕⲓ.

Ⲓ̅Ⲏ̅ ϧⲉⲛ ⲟⲩϫⲱⲣϫ ⲁⲩϫⲱⲣϫ ⲉ̀ⲣⲟⲓ: ⲙ̀ⲫ̀ⲣⲏϯ ⲛ̀ⲟⲩϭⲁϫ ⲛ̀ϫⲉ ⲛⲁϫⲁϫⲓ ⲛ̀ϫⲓⲛϫⲡ̅ⲛ̅ⲁ̅ Ⲁⲩϧⲱⲧⲉⲃ ⲙ̀ⲡⲁⲱⲛϧ ϧⲉⲛ ⲟⲩⲗⲁⲕⲕⲟⲥ: ⲟⲩⲟϩ ⲁⲩⲱ̀ⲗⲓ ⲛ̀ⲟⲩϣ̀ⲛⲉ ⲉ̀ϫⲱⲓ: Ⲁ ϩⲁⲛⲙⲱⲟⲩ ϫⲱϣ ⲉ̀ϫⲉⲛ ⲧⲁⲁ̀ⲫⲉ: ⲁⲓϫⲟⲥ ϫⲉ ⲁϥⲭⲁⲧ ⲛ̀ⲥⲱϥ.

Ⲓ̅Ⲑ̅ Ⲁⲓⲱϣ ⲉ̀ⲡ̀ϣⲱⲓ ⲟⲩⲃⲉ ⲡⲉⲕⲣⲁⲛ Ⲡ̀ⲟ̅ⲥ̅ ⲉ̀ⲃⲟⲗϧⲉⲛ ⲟⲩⲗⲁⲕⲕⲟⲥ ⲉϥⲥⲁⲡⲉⲥⲏⲧ: Ⲁⲕⲥⲱⲧⲉⲙ ⲉ̀ⲧⲁⲥ̀ⲙⲏ: ⲙ̀ⲡⲉⲣⲭⲱ ⲙ̀ⲡⲉⲕⲙⲁϣϫ ⲉ̀ⲃⲟⲗ ϩⲁⲡⲁⲧⲱⲃϩ: Ⲁⲕϧⲱⲛⲧ ⲉ̀ϧⲟⲩⲛ ⲉ̀ⲧⲁⲃⲟⲏⲑⲓⲁ̀ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲁⲓⲱϣ ⲟⲩⲃⲏⲕ ⲁⲕϫⲟⲥ ⲛⲏⲓ ϫⲉ ⲙ̀ⲡⲉⲣⲉⲣϩⲟϯ.

Ⲕ̅ Ⲁⲕϯϩⲁⲡ Ⲡ̀ⲟ̅ⲥ̅ ⲉ̀ⲛⲓϩⲁⲡⲡ̅ⲛ̅ⲁ̅ ⲛ̀ⲧⲉ ⲧⲁⲯⲩⲭⲏ ⲁⲭⲥⲱϯ ⲙ̀ⲡⲁⲱⲛϫ ⲁⲭⲛⲁⲩ Ⲡ̀ⲟ̅ⲥ̅ ⲉ̀ⲛⲁϣ̀ⲑⲟⲣⲧⲉⲣ ⲁⲭϯ ϩⲁⲡ ⲉ̀ⲡⲁϩⲁⲡ: Ⲁⲕⲛⲁⲩ ⲉ̀ⲡⲟⲩϭⲓⲙ̀ⲡ̀ϣⲓϣ ⲧⲏⲣϥ ϧⲉⲛ ⲛⲟⲩⲙⲟⲕⲙⲉⲕ ⲧⲏⲣⲟⲩ ⲉⲧϣⲟⲡⲉ̀ϧⲟⲩⲛ ⲉ̀ⲣⲟⲓ.

Ⲕ̅Ⲁ̅ Ⲁⲕⲥⲱⲧⲉⲙ ⲉ̀ⲡⲟⲩϣ̀ⲫⲓⲧ Ⲡ̀ⲟ̅ⲥ̅: ⲛⲟⲩⲙⲟⲕⲙⲉⲕ ⲧⲏⲣⲟⲩ ̀ⲉ̀ⲧⲁⲩⲁⲓⲧⲟⲩ ⲉ̀ⲣⲟⲓ ⲙ̀ⲡⲓⲉ̀ϩⲟⲟⲩ ⲧⲏⲣϥ Ⲟⲩⲟϩ ⲡ̀ⲕⲓⲙ ⲛ̀ⲛⲓⲥ̀ⲫⲟⲧⲟⲩ ⲛ̀ⲧⲉ ⲛⲏⲉⲧⲧⲱⲟⲩⲛⲟⲩ ⲉ̀ϩ̀ⲣⲏⲓ ⲉ̀ϫⲱⲓ: ⲟⲩⲟϩ ⲛⲟⲩⲙⲉⲗⲉⲧⲏ ⲛⲁⲩϣⲟⲡ ⲉ̀ϧⲟⲩⲛ ⲉ̀ⲣⲟⲓ ⲙ̀ⲡⲓⲉ̀ϩⲟⲟⲩ ⲧⲏⲣϥ. ϧⲉⲛ ⲡⲟⲩϫⲓⲛϩⲉⲙⲥⲓ ⲛⲉⲙ ⲡⲟⲩϫⲓⲛ ⲧⲱⲟⲩⲛ:

Ⲕ̅Ⲃ̅ Ϫⲟⲩϣⲧ ⲉ̀ϧ̀ⲣⲏⲓ ⲉ̀ϫⲉⲛ ⲛⲟⲩⲃⲁⲗ. Ⲉ̀ⲕⲉ̀ϯϣ ⲉⲃⲓⲱ̀ ⲛⲱⲟⲩ ⲛ̀ⲟⲩϧⲓⲥⲓ ϧⲁⲧ̀ϫⲟⲙ ⲙ̀ⲡⲟⲩϩⲏⲧ. Ⲛ̀ⲑⲟⲕ ⲉⲕⲉ̀ϭⲟϫⲓ ⲛ̀ⲥⲱⲟⲩ ⲛ̀ϧ̀ⲣⲏⲓ ϧⲉⲛ ⲙ̀ⲃⲟⲛ ⲟⲩⲟϩ ⲛ̀ⲧⲉ ⲕⲙⲟⲩⲛⲕⲟⲩ ⲉ̀ⲃⲟⲗ ⲥⲁⲡⲉⲥⲏⲧ ⲛ̀ⲧ̀ⲫⲉ Ⲡ̀ⲟ̅ⲥ̅.

Ⲟⲩⲱ̀ⲟⲩ ⲛ̀ϯⲧ̀ⲣⲓⲁⲥ ⲉ̀ⲑⲟⲩⲁⲃ ⲡⲉⲛⲛⲟⲩϯ ϣⲁ ⲉ̀ⲛⲉϩ ⲛⲉⲙ ϣⲁ ⲉ̀ⲛⲉϩ ⲛ̀ⲧⲉ ⲛⲓⲉ̀ⲛⲉϩ ⲧⲏⲣⲟⲩ: ⲁ̀ⲙⲏⲛ.